Nagtataka ka ba kung bakit malayo ako

Naguguluhan ka ba kung bakit lumalabo ang tingin mo

Natatakot ka ba na baka hindi pala totoo

Ang iyong nadarama pala ay pawang guni-guni

Ang iyong kapalaran pala'y iba sa iyong inaasam



Bakit hindi mo masambit ang tunay na hangad mo

Sa iyong mga mata'y tila may sinasabing taliwas

Taliwas sa ipinapakita mo

Sa mga kilos mong hindi naman pala totoo

Sa mga galaw mong hindi pala bukal sa puso mo



Marami na ang nakakasaksi

Sa hangarin mong tunay palang marumi

Ibang-iba sa ipinahahayag mo sa amin

Ibang-iba sa sinasabi ng iyong salamin



SINO KA BA?
HINDI MO BA NAITANONG SA SARILI MO 'YAN?
SINO KA BA?